LA CANSON DIJ COSCRIT PIEMONTÈIS

 

1ª - Fieuj partoma sentì le fanfare,
con le trombe ch'a son-o d'antorn,
sensa gnògne 'mbrassé vòstra mare,
peui an marcia al segnal d'ij tambur.
L'an d'invidia le lacrime a j'euj,
dij compagn ch'a ne strenso la man,
su marcioma cantoma bei fieuj,
rataplan,rataplan,rataplan.
rit. - Difensor 'dla nòstra tèra,
gnun nemiss as fa tramble,
sentinele a la frontiera,
fior d'alpin e canoniè,
gnun ramì 'dla sira spalia,
tribula dal mal cadu,
l'è 'l Piemont ch'ai da a l'Italia,
soa pi bela gioventù.

 


2ª -
Gnun d'Italia desidera guèra,
né masacri né scene d'oror,
son l'emblema 'dla nòstra bandiera,
la speransa, la fede e l'amor.
Ma col dì che n'ariva difende,
col bon dritt ò l'onor d'italian,
i l'avroma 'd coragi da vende,
rataplan,rataplan,rataplan.

rit. - Difensor 'dla nòstra tèra,
gnun nemiss as fa tramble,
sentinele a la frontiera,
fior d'alpin e canoniè,
gnun ramì 'dla sira spalia,
tribula dal mal cadu,
l'è 'l Piemont ch'ai da a l'Italia,
soa pi bela gioventù.

Il sito è proprietà dell' ASSOCIAZIONE  CONGEDATI  della FANFARA BRIGATA ALPINA TAURINENSE.
Sono vietate modifiche e duplicazioni non autorizzate.